კესო თუ ბესო?

დღეს    22.00 საათზე   გადაცემა სიმართლის დროში  ნანკა კალათოზიშვილთან ერთად  სტუმრად იქნება  კესარია იგივე ბესო აბრამიძე

მე პირადად გაკვირვებული დავრჩი  .. ვერ წარმომიდგენია რომ საქართველოშიც ხდებოდა ესეთი რაღაცეები : |

წარმოიდგინეთ  ბიჭმა დაინახა კესო  და  შებმას უწყებს : D მაგრამ მან ხომ არ იცის რომ ეს კესო ბესოა :  ))

ეს ჯურნალ პრიმეთაიმში ეწერა
.

ნაშის ნაცვლად კაცი

სანდრო ბარათელი

კესი, უწინ კი ბესო აბრამიძე, საკუთარი ორიენტაციის შესახებ ხუთი წლის წინ ალაპარაკდა, რამაც თბილისის ბომონდშიც კი შოკი გამოიწვია. როცა რაიონიდან დედაქალაქისკენ გამოეშურა იმედი ჰქონდა, რომ აქ მაინც გაუგებდნენ, თბილისში ხომ ვითომ არაფერი უკვირთ. `კაცის სასქესო ორგანო მაქვს, შინაგანად ქალი ვარ.~ მისი გულწრფელი აღიარება საზოგადოებამ არ მიიღო.
სახელის გადაკეთება ბევრი არაფერია, მთავარია სქესი შეიცვალოს, ოპერაცია კი ფული ღირს, რომელიც ჯერჯერობით არა აქვს.

კამუფლაჟი სოფლისთვის
ლამაზი ბავშვი იყო, ამას მთელი სოფელი აღნიშნავდა. სამი წლიდან კაბები და პარფიუმერია მოსწონდა, თანაც იხდენდა. ამით შეშინებული მშობლები თოჯინებით თამაშს უშლიდნენ და კაბების ჩაცმას უკრძალავდნენ. მამა, მხოლოდ ბოლო დროს შეეგუა შვილის ორიენტაციას. `როდესაც რაიონში ჩავდივარ, მთხოვს გამომწვევად არ ჩავიცვა~. დედა ახლაც ვერაფერს ეკითხება პირად ცხოვრებაზე, პასუხის მოსმენის ეშინია.
ბრძოლა ორიენტაციისთვის
არ უჭირს იმის აღიარება, რომ ფიზიკურად კაცია, თავს კი ქალად გრძნობს. პრობლემები საკმარისი აქვს, თუმცა ტკბილ სიტყვას, დაცინვას თუ შეურაცხყოფას საზოგადოება არ აკლებს. ჩვენში უყვართ საკუთარი კომპლექსებისგან განტვირთვა _ სხვის ხარჯზე. კესიმ არაერთი კონფლიქტური სიტუაცია გადალახა და მარტივ დასკვნამდე მივიდა: `ჩემთვის მამაკაცის სასქესო ორგანო, უხეშად რომ ვთქვათ,ზედმეტი გამონაზარდია და მეტი არაფერი, 100 გრამით არ წყდება ყველაფერი~. გარდატეხის ასაკში სხვა ბიჭებივით წვერი არ ამოსვლია. ყველას ჰგონია, რომ გაკრიალებული კანი ეპილაციის შედეგია, მაგრამ არც სახეზე და არც ტანზე ამ პროცედურისთვის არ მიუმართავს. `ჩვეულებრივი ქალივით ვცხოვრობ. ქუჩაში ამაყად დავდივარ და არაფრის არ მეშინია. როგორც ყველა ლამაზ ქალს, ქუჩაში თვალს მაყოლებენ~. კესის თაყვანისმცემლებისგან არც კომპლიმენტები, არც ყვავილები აკლია. სიურპრიზებსაც ხშირად უწყობენ. 21 წლის რომ გახდა, ვიღაცამ კართან 21 შავი ვარდი დაუტოვა. ფუმფულა სათამაშოებს კი აივანზე, თითქმის ყოველდღე უყრიან.
ქალი `შოკი~
არავის არ ,,აბამს~ და არც ეძებს, პირიქით, აქეთ ეძებენ. `ოღონდ არ ყვირიან და ამას ხმამაღლა არ ამბობენ~. თავს ძნელად მოსაპოვებელ ქალად თვლის, მერე რა რომ სხვანაირია. სუფრასთან ოც ქალთან ერთადაც რომ იჯდეს, მამაკაცების ყურადღებას ყოველთვის ის იპყრობს. `ეშხი მაქვს სხვანაირი და `საფირმო გამოხედვა~, თვალებით ვლაპარაკობ, ეს კაცებს შოკავს~.
კესის მიშა
`უხეში და მამაკაცური~ _ ასეთია კესის საოცნებო კაცი. ფაქიზი მამრები, ბრიოლინით დაყენებული თმით არ მოსწონს. მასზე უფროსი და ძლიერი კაცები იზიდავენ. ალბათ თავს დაცულად გრძნობს და იმიტომ. პოლიტიკოსებსაც თავისებურად აფასებს, _ განსაკუთრებით პრეზიდენტს. ,, სააკაშვილის პოლიტიკა უფრო მომწონს, ვიდრე შევარდნაძის, რადგან `ნაციონალების~ რეჟიმში თავს ბევრად დაცულად ვგრძნობ ქუჩაშიც და სახლშიც.~ თავს ჩვეულებრივ ადამიანად თვლის. ასეთი დაიბადა, ფიქრობს, რომ ბედნიერი ქალია…

ივა კუზანოვი

`კუზანოვის კლინიკის~ მონაცემებით, საქართველოში 16 ტრანსსექსუალი გამოვლინდა. აქედან ოთხმა პაციენტმა შეიცვალა სქესი ოპერაციით. მსოფლიო სტატისტიკით კი, ყოველ 100 000 ადამიანში ერთია ტრანსსექსუალი.
ხელოვნური ფალოსის მიკერება საქართველოში 15 ათასი ლარი ღირს, მოსკოვში _ 20 ათასი დოლარი, დასავლეთში – 100 ათასი დოლარი და მეტი.
კანონი, რომელიც ასეთ ადამიანებს დაიცავს, საქართველოში არ არსებობს. საზღვარგარეთ არის ასეთი კანონი _ სქესშეცვლილ ადამიანს სახელმწიფო უცვლის პასპორტს და ის ახალ ცხოვრებას იწყებს. სამწუხაროდ, ჩვენთან ეს კანონი არ არსებობს