ალბათ ამ ბლოგზე აღარ  შემოვალ ხოლმე .. : ) მომენატრებით :X:X

ესეც ჩემი თამბლერი:http://likaak.tumblr.com

გთავაზობთ ვარსკვლავების “გმირულ” წარსულს, რითაც ისინი ძალიან ამაყობენ. მათ ყოველთვის სჯეროდათ, რომ წარმატებას მიაღწევდნენ.

ჰიუ ჯეკმანი

“მე მერქვა კოკო და 5 დოლარად შემეძლო გამემხიარულებინეთ. მომწონდა ჩემი საქმე – ბავშვების გამხიარულება დღესასწაულებზე. ამ საქმით 3 წელი ვიყავი დაკავებული და დღემდე მენატრება ის პერიოდი”, – ამბობს დღეისათვის პლანეტის ყველაზე სექსუალურ მამაკაცად აღიარებული ჰიუ ჯეკმანი, რომელიც 3 წელი კლოუნად მუშაობდა.

ჯენიფერ ანისტონი

მანამ, სანამ ჯენიფერ ანისტონი ბრედ პიტს შეხვდებოდა და სერიალ “მეგობრების” ვარსკვლავი გახდებოდა, უბრალო კურიერად მუშაობდა და სატელეფონო შეკვეთით განხორციელებულ შენაძენებს დაატარებდა მისამართებზე. “ბავშვობაში ფულის გამო ტუალეტებიც დამიხეხია. სხვათა შორის, ძალიან კარგადაც გამომდიოდა. ჩემი შრომის არასოდეს მრცხვენია”, – ამბობს ჯენიფერ ანისტონი.

გვენ სტეფანი

გვენ სტეფანმა ყველაზე უკეთ იცის, როგორ უნდა ბრწყინავდეს იატაკი. სანამ მას მუსიკალურ ჯილდო გრემს გადასცემდნენ, მანამდე ის იატაკის საწმენდითა და ცოცხით ხელში დიდხანს მუშაობდა ერთ–ერთ ბისტროში. თანაც გვენ სტეფანი მუშაობის დროს ვოკალურ მონაცემებსაც ამუშავებდა და ხშირად თავის დაწერილ სიმღერებს ღიღინებდა.

კიანუ რივზი

გასული საუკუნის 80–იანი წლებში მომავალი ნეო ვერც კი წარმოიდგენდა, რომ მომავალში სამყაროს დაცვა მოუწევდა მატრიცებისაგან, ამიტომაც ნებისმიერ სამუშაოს ასრულებდა, რაც კი ხელთ მოხვდებოდა. კოკა კოლასა და ჩიპსების სარეკლამო კლიპებში გადაღებებით მიღებული ანაზღაურება დიდხანს არ ჰყოფნიდა. ფულის შოვნის მიზნით ვაჭრობდა ქუჩაში, იყო შვეიცარი და ციგურებსაც კი ლესავდა.

ჰელენ მირენი

სანამ ჰელენ მირენი ოსკარს მიიღებდა ინგლისის დედოფლის როლის განსახიერებისათვის, მანამდე ის ატრაქციონების მეთვალყურედ მუშაობდა. მომავალ მსახიობს ფულს იმაში უხდიდნენ, რომ ყურადღება მიექცია ტირის თამაშისათვის და “ამერიკული მთებისთვის”. ჰელენიც კარგად ერთობოდა და მოსაწყენად არ ეცალა.

ბარაკ ობამა

ჰონოლულუში 1979 წელს სანაყინე “ბასკინ რობინსის” კლიენტებს წარმოდგენაც კი არ ჰქონდათ, რომ მათ ამერიკის მომავალი პრეზიდენტი ემსახურებოდა. ამგვარი შრომით შეგროვილი ფულით ობამამ ჰარვარდვის უნივერსიტეტში ჩააბარა. მას შემდეგ ობამას ნაყინი არ უყვარს და ყველაზე ცხელ დღეებშიც კი თავაზიან უარს ამბობს ამ ნუგბარზე.

კოლინ ფარელი

ძნელი წარმოსადგენია, რომ ჰოლივუდის ცუდი ბიჭი ოდესღაც ცეკვის ჩვეულებრივი მასწავლებელი იყო, თუმცა ამ პროფესიას უკვალოდ არ ჩაუვლია. თავისი პირველი როლი კოლინმა მინი სერიალში “გიყვარდეს მოცეკვავე” მოიპოვა. წარმატების საწინდარი მისი ირლანდიური აქცენტი და პლასტიკა გახდა.

ჯონი დეპი

ჯონის ახლა აქვს პატივი, რომ პიჯაკიდან ამოიღოს ავტოკალამი და თაყვანისმცემლებს საოცნებო ავტოგრაფი აჩუქოს. არადა წლების წინ ის ავტოკალმების გამყიდველი იყო. წარმოსადგენია, რა ტალანტს დაკარგავდა კინემატოგრაფია, ჯონი დეპს ავტოკალმების ბიზნესში რომ გამართლებოდა!

ბრიუს უილისი

იმისათვის, რომ პლანეტა არმაგედონისაგან დაეცვა, ერთ–ერთი ყველაზე მამაკაცური მსახიობი ქარხნის მუშა უნდა ყოფილიყო, რათა ფიზმკურად ძლიერი გამხდარიყო. შეიძლება ის მთელი ცხოვრება ქარხნის მუშად დარჩენილიყო, რომ არა ერთი უბედური შემთხვევა საწარმოში. მეგობრის დაღუპვის შემდეგ ბრიუსმა ქარხანა მიატოვა და შემოსავლის სხვა წყაროებზე დაიწყო ფიქრი.

ჰარისონ ფორდი

“თავს იღბლიანად ვთვლიდი მაშინაც, როდესაც დურგალი ვიყავი”, – აცხადებს ინდიანა ჯონსის შემსრულებელი ჰარისონ ფორდი. როგორც ამბობენ, ჯორჯ ლუკასმა მომავალი მსახიობი კარადის შესარემონტებლად დაიქირავა, მაგრამ მოგვიანებით შეამჩნია, რომ მასში სულ სხვა ნიჭი იყო დამალული და როლი შესთავაზა კომედიაში “ამერიკული გრაფიტი”.

ვუპი გოლდბერგი

როცა ვუპი გოლდბერგს უყურებ, ყველაფერს იფიქრებ, გარდა იმისა, რომ ერთი პერიოდი ის ღამის გუშაგად მუშაობდა ან მიცვალებულებს გრიმს უკეთებდა და მშენებლობაზე აგურებს აწყობდა, საიდანაც მალე გამოაგდეს. დღეს კი დიდი სიამაყით უყურებს თავის კინოჯილდოებს – ემის, ოქროს გლობუსს და ოსკარს, რომლებიც სახლში ყველაზე გამოსაჩენ ადგილზე აქვს შემოწყობილი.

რასელ კროუ

სანამ რასელ კროუ გლადიატორის ტიტულს მოიპოვებდა, მანამდე ის უკმაყოფილო კლიენტების მრისხანებას ითმენდა. მომავალი მსახიობი ოფიციანტად მუშაობდა, თუმცა სანამ ამ პრესტიჟულ თანამდებობას დაიკავებდა, რამდენიმე თვე ყოველდღე ჭურჭლის მთების დარეცხვა უწევდა. ყველაზე კარგ მრეცხავს შრომა დაუფასეს და ოფიციანტად დააწინაურეს.

დენი დე ვიტო

სანამ დენი დე ვიტო ადამიანი პინგვინის იარლიყს შეიფერებდა და ჰოლივუდის ყველაზე ტანმორჩილი ვარსკვლავის ტიტულს მოიპოვებდა, წარმატებულად მუშაობდა პარიკმახერად საკუთარი დის, ანჟელას სალონში. მას მალე გაუჩნდა ერთგული კლიენტების გუნდი, მიუხედავად იმისა, რომ ხანდახან სკამზეც უწევდა დადგომა, რათა კლიენტისათვის შესაფერისი ვარცხნილობა გაეკეთებინა.

ალენ დელონი

მან ყველაზე კარგად იცის ხორცის დამუშავება, რადგან ერთი პერიოდი პარიზის სენ შარლის ქუჩაზე ძეხვის მაღაზიაში მუშაობდა. როდესაც თავისი პირველი კინოჯილდო სეზარი მიიღო, სცენაზე ავიდა და განაცხადა, რომ მას ხორცის დაჭრაში ბადალი არ ჰყავს კინემატოგრაფიის წარმომადგენლებს შორის. მაშინ ეს ფრაზა ბევრმა უკბილო ხუმრობად აღიქვა.

შონ კონერი

სანამ უბადლო ჯეიმს ბონდი აღიარებას მოიპოვებდა, ის მიცვალებულების სასახლეებს აპრიალებდა. “მახსოვს, ერთხელ, მუშაობისას, ძალიან დავიღალე. გადავწყვიტე, ერთი საათი წამეძინა და ერთ–ერთ კუბოში ჩავწექი. როდესაც გავიღვიძე, კარგა ხანს ვერ გავიაზრე, მოვკვდი თუ ცოცხალი ვიყავი”, – იხსენებს შონ კონერი.

sana.ge

“Time for Work & Time for Love; other than that, I have no time.”

მომწოონს : X     არის 18 წლის სამწუხაროდ ვერ გავიგე საიდან არის  .. CONTACT: yeahhhboii@hotmail.com

http://thefashionfruit.com/

ისინი შვილების გაჩენის შემდეგაც არ ერიდებიან სექსუალურ ფოტოსესიებში მონაწილეობას. თუ როგორ ახერხებენ მშობიარობის შემდეგ მშვენიერი ფორმების დაბრუნებას, ამას ქვემოთ შეიტყობთ.

ჰეიდი კლუმი

მას აქვს პრეტენზია, სამოდელო სფეროში სუპერმოდელისა და სუპერდედის ტიტული ჰქონდეს. ის ახლა ოთხი შვილის დედაა. ნაბოლარა გასული წლის ბოლოს გააჩინა. ფეხმძიმობის ბოლო თვეში ჰეიდი აქტიურად მუშაობდა, მიჰყავდა ტელევიზიით შოუ ახალგაზრდა დიზაინერებზე. ბავშვის გაჩენის შემდეგ კი პოდიუმს თვენახევარში დაუბრუნდა.

“ჰეიდი სუპერქალია. მისი ანალოგი არ არსებობს. ის ყველას გვაოცებს. ოთხი შვილი გააჩინა და ისევ პოდიუმზეა”, – აცხადებს “ვიქტორია სიკრიტის” გენერალური მდივანი.

მოდელმა მშობიარობიდან 6 კვირაში 20 კილო ჯანსაღი კვებითა და სარბენ ბილიკზე ვარჯიშით დაიკლო.

ალესანდრა ამბროსიო

კიდევ ერთი შრომისმოყვარე ბრაზილიელი ანგელოზი, ალესანდრა ამბროსიო, მშობიარობის შემდეგ ზედმეტი წონის პრობლემის წინაშე აღმოჩნდა. 2008 წლის აგვისტოში მოდელმა გოგონა გააჩინა და მიზნად დაისახა, მოკლე დროში დაებრუნებინა ძველი ფორმა. ალესანდრას ეს მართლაც ადვილად გამოუვიდა. მოდელი ამბობს, რომ ამაში კარდიოვარჯიშები, იოგა და სპეციალური დიეტა დაეხმარა, რომელიც ქორფა ბოსტნეულსა და ყავისფერ ბრინჯზე იყო დაფუძნებული. შედეგმაც არ დააყოვნა. მშობიარობიდან 4 თვის შემდეგ ალესანდრამ 9 კილო დაიკლო და კვლავ პოდიუმზე დადგა.

ნატალია ვოდიანოვა 

მისი ცხოვრების ისტორია კონკიას ისტორიას ძალიან ჰგავს. ნატალიამ რუსეთის პროვინციაში მცხოვრები ხილის გამყიდველი გოგონადან ერთ–ერთი წარმატებული სუპერმოდელის ტიტულამდე გზა სწრაფად გაიარა. თავის პრინცს, ბრიტანელ არისტოკრატ ჯასტინ პორტმანს, მეჯლისზე შეხვდა. ზღაპრული ქორწილი მაშინ გაიმართა, როდესაც ნატალია ფეხმძიმობის ბოლო თვეებში იყო. პირველი შვილის გაჩენიდან ერთ თვეში ნატალია პოდიუმს დაუბრუნდა. მხოლოდ მე–3 შვილის გაჩენის შემდეგ განაცხადა მოდელმა, რომ ამიერიდან მოდელობა მისთვის ჰობი იქნებოდა და პირველ ადგილზე ოჯახს დააყენებდა. თუმცა მთლიანად მოდელობაზე უარის თქმას მაინც არ აპირებს.

ჟიზელ ბანდჩენი  

როდესაც გაირკვა, მსოფლიოში ყველაზე ძვირადღირებული მოდელი ორსულად იყო, ყველას უკვირდა, ნუთუ მოდურ ფოტოსესიებს ჟიზელი წყნარ ოჯახურ ცხოვრებაში გაცვლიდა. ჟიზელმა გადაწყვიტა, ორივე საქმე წარმატებულად შეეთავსებინა. იანვარში ბიჭი გააჩინა, რომელსაც ბენჯამენი დაარქვა, ხოლო მარტში მონაწილეობა მიიღო ერთ–ერთი ბრენდის სარეკლამო კამპანიაში. ჟიზელი კვლავ უნაკლოდ გამოიყურება. ბრაზილიელმა მოდელმა სხეულის ფორმები წყლის ტანვარჯიშით დაიბრუნა – წყალში სირბილი და ცურვა. ასეთი ვარჯიშები ორგანიზმის ყველა კუნთს აძლიერებს და კალორიებს სწრაფად წვავს.

კეიტ მოსი

კეიტ მოსის ქალიშვილი 8 წლისაა და ის უკვე მოდურ გოგონად ითვლება. ლილა გრეისი თავად ირჩევს ტანსაცმელს და დედასაც შენიშვნებს აძლევს, როცა არ მოსწონს მისი სტილი. კეიტიც აღიარებს, რომ მაღაზიებში ყოველთვის ქალიშვილთან ერთად დადის და ხშირად მის რჩევებსაც ითვალისწინებს.

დედის მსგავსად, ლილასაც უყვარს ჯინსის შორტები, საზაფხულო სარაფნები ჰიპის სტილში და ოცნებობს დიზაინერობაზე. კეიტი კი 36 წლის ასაკშიც ერთ–ერთ წარმატებულ მოდელად ითვლება.

ადრიანა ლიმა 

ბრაზილიელი მოდელი და “ვიქტორია სიკრიტის” მორიგი ანგელოზი, ადრიანა ლიმა, არაერთხელ მოხვედრილა სექსუალური ქალების ათეულში. ახლა კი მოსწონს, რომ მზრუნველი მოდელი დედების ათეულშიცაა მისი სახელი.

პირველი შვილი, ვალენტინა, გასული წლის ნოემბერში გააჩინა. ბავშვის მამა 31 წლის სერბი კალათბურთელი მარკო იარიჩია. ადრიანა აღიარებს, რომ მას შემდეგ, რაც თავისი ცხოვრების სიყვარულს შეხვდა, ოჯახსა და კარიერაზე შეხედულებები შეეცვალა. “როგორც კი მივხვდი, რომ ეს ქორწინება მყარი იყო, მაშინვე გადავწყვიტე, ბავშვის გაჩენა. მოდელობის გამო ასეთი გადაწყვეტილების მიღება არ გამჭირვებია. პოდიუმი ყოველთვის მოიცდის”, – ამბობს ადრიანა.

კაროლინა კურკოვა  

მსოფლიო პოდიუმზე დაწყებული ბეიბი ბუმს არც ჩეხი მოდელი კაროლინა კურკოვა ჩამორჩა. მას უკვე ერთი წელია რომანი აქვს კინოპროდიუსერ არჩი დრურთან. პატარა ჯეკ დრური კი მათი პირველი შვილია.

კაროლინა მსოფლიოს ძვირადღირებული მოდელების ათეულში ყოველთვის იყო, თუმცა ამჯერად ჩვენებებზე ჯერჯერობით არ ჩნდება, რადგან მთელ დროს შვილს უთმობს.

“არ მინდა, რეკორდსმენი ვიყო და საათობით ვიტანჯო სპორტდარბაზში, რათა სწარფად ჩავდგე ფორმაში და პოდიუმზე გავიდე. ყველაფერს თავისი დრო აქვს”, – აცხადებს კაროლინა.

მიუხედავად ამისა, ის მაინც რეგულარულად დარბის და ვარჯიშობს სპორტდარბაზში.

ლეტიცია კასტა

ფრანგი მსახიობი და მოდელი, ლეტიცია კასტა, გასულ წელს მესამედ გახდა დედა. უფროსი შვილი უკვე 7 წლის ჰყავს. ლეტიცია აცხადებს, რომ ის კარგი დედაა. “როდესაც პირველი შვილი, სატინი დაიბადა, მე ჯერ კიდევ პატარა ვიყავი, მაგრამ მესამე შვილის დაბადებისას დედობის ეიფორია სრულად შევიგრძენი. ოჯახში სიყვარულს არაფერი აძლიერებს ისე, როგორც შვილების დაბადება”, – ამბობს იგი.

ლეტიცია ირწმუნება, რომ ახლა ბევრად ძლიერ და სექსუალურ ქალად გრძნობს თავს, ვიდრე შვილების გაჩენამდე. არ ანაღვლებს, რომ პრესაში მის ზედმეტ კილოგრამებზე ხშირად წერენ. მას თავისი ახალი ქალური ფორმები ძალიან მოსწონს და არც ერიდება საკუთარი სეხულის დემონსტრირებას სექსუალურ ფოტოსესიებში.

სინდი კროუფორდი

გასული საუკუნის 90–იანი წლების ყველაზე პოპულარული მოდელი სინდი კროუფორდი ახლა 44 წლისაა, მაგრამ ძნელია, მას 35 წელზე მეტი მისცე. ის 2 შვილის ბედნიერი დედაა. ცხოვრობს წყნარი ცხოვრებით, დაკავებულია ქველმოქმედებით და სახლის ინტერიერის საინტერესო კოლექციებს აკეთებს.

სინდი აღიარებს, რომ დედობა უფრო მოსწონს, ვიდრე მოდელობა. “ყოველთვის ვოცნებობდი დიდ ოჯახზე. ამიტომაც არ ვდარდობ, რომ სამოდელო სფეროში ისეთი აქტიური აღარ ვარ, როგორიც ადრე. ბედნიერება ოჯახში ვიპოვე”, – აცხადებს სინდი.

სუპერმოდელის ქალიშვილი, კაია ჯორდანი, 8 წლის ლამაზმანია. ამბობენ, რომ ის დედის გზას გაჰყვება და მალე პოდიუმზე ვიხილავთ.

კრისტი ტარლინგტონი

2008 წელს კრიტსი ტარლინგტონი პოდიუმზე დაბრუნდა და ყველას დაუმტკიცა, რომ ასაკში შესული მოდელი შეიძლება კვლავ მიმზიდველი და საინტერესო იყოს პოდიუმზე. 41 წლის კრისტის, რომელიც 2 შვილის დედაა, 25 წლის გოგოს სხეულის ფორმები აქვს. ამ შედეგს ის იოგათი და ჩინური ტანვარჯიშის წყალობით აღწევს. კრისტი ტარლინგტონი დღეისათვის ორი კომპანიის სახეა. აქტიურადაა ჩართული საქველმოქმედო საქმეში და იბრძვის სიგარეტისა და ძუძუს კიბოს წინააღმდეგ.

მოამზადა ავთო ჩიტიძემ